तरुनिवर अॅसिड हल्ला : संशयित ताब्यात

गोरेगाव स्टेशनवर एका तरुणीच्या चेह - यावर अॅसिड फेकल्याप्रकरणी एका संशयिताला ताब्यात घेण्यात आल्याचे कळते . या व्यक्तीचे नाव पिंटू शेख असल्याचे सांगण्यात येत आहे . मंगळवारी रात्री झालेल्या घटनेनंतर तो फरार झाल होता . त्याला सध्या बोरीवली पोलीस स्टेशनमध्ये नेण्यात आल्याचे कळते .

मंगळवारी संध्याकाळी सातच्या सुमारास गोरेगाव स्टेशनवरील प्लॅटफॉर्म क्रमांक एकवर आरती ठाकूर नावाच्या तरुणीच्या चेह - यावर एका व्यक्तीने अॅसिड फेकले . यात तिच्या चेहरा १० टक्के भाजला आणि हातावरही जखम झाली . अॅसिड फेकणारा मात्र पळून गेला . पोलिसांनी त्याच्या शोध घेण्यासाठी सीसीटीव्ही फूटेजची मदत घेतल्याची माहितीही समोर येत आहे .

आरती गोरेगाव येथे एका खाजगी कंपनीत कामाला असून ती कूपन पंच करण्यासाठी बुकिंग ऑफिसकडे जात असताना ही घटना घडली . चेहरा वाचविण्यासाठी तिने हाताचा आडोसा घेतल्याने हातावरही जखम झाल्याचे समजते . तिला उपचारासाठी गोरेगाव येथील खाजगी हॉस्पिटलमध्ये दाखल करण्यात आले होते . मात्र रात्री उशिरा भगवती हॉस्पिटलमध्ये हालविण्यात आल्याचे वृत्त आहे .